Зачините се додаток во храната чија цел е да го подобрат оригиналниот вкус и мирис на храната. Се одгледуваат за нивните ароматични, пикантни или нивните пожелни и здрави супстанци. Поради содржината на етерични масла, алкалоиди, гликоза и други ароматични соединенија, зачините може да се најдат како делови од растението:
 

Дури и кората од некои стебла се користи како зачин. Најпознат меѓу нив е циметот.

Во зависност од вкусот и мирисот можат да се поделат како лути, горки, слатки, кисели, комбинирани и слично. Зачините, семињата и билките се користат како додатоци за постигнување на соодветен вкус, арома или пикантност на храната.

Семињата претставуваат ситни ароматични плодови и маслодајни семиња на тревните билки како што се семето од анасон, ким, сусам, афион и други. Често мали во големина, семињата се особено соодветни за извршување на широк спектар на функции и врски. 

Семињата како лененото семе и сончогледот се богати со природни влакна кои придонесуваат за подобро варење на храната во стомакот и омега-3 масни киселини кои помагаат во одржување на функцијата на мозокот, ги хранат црвените крвни клетки и помагаат во борбата против воспаленија.

Економски гледано, семињата и плодовите кои ги содржат семињата, се важни, бидејќи примарно претставуваат извор на повеќе видови разнообразна храна – на пример, постои изобилство на корисни продукти обезбедени од страна на семињата како маслата за готвење, производството на маргаринот, за бојадисување , како средства за подмачкување итн., кои се добиваат од семињата на ленот, репката, памукот, афионот, рицинусот, сончогледот и други кои заедно формираат една голема група на економски продукти.

 

Чајот e топол напиток кој се подготвува од билки кои претставуваат oдличен извор на витамини и минерали кои делуваат благотворно на човековото здравје.